Հովնանյան հանրային ծառայության դրամաշնորհ

իԳործ-ը մարզերում․ հաճախ տրվող հարցեր

• Արդյոք կարո՞ղ եմ ծրագրին մասնակցել 12 ամսից կարճ ժամանակով։
  Ծրագիրը նախատեսված է 12 ամսվա համար՝ իրատեսական ազդեցություն ապահովելու նպատակով։ Մեր համոզմամբ, ծրագրի ընթացքում նշանակալի ձեռքբերումների հասնելու համար մասնակիցներին անհրաժեշտ կլինի առնվազն 12 ամիս՝ Հայաստանում հանրային կառավարման ոլորտի գործունեությունն ըմբռնելու և այդ համակարգում առաջընթաց կերտելու նկատառումներով։ Հաճախ մեր մասնակիցները նշում են, որ կնախընտրեին ավելի երկար մնալ ծրագրում՝ իրենց աշխատանքի պտուղները տեսնելու համար։
• Կարո՞ղ եմ ժամանակի որոշ մասը հեռավար աշխատել։
  իԳործ ծրագրի նպատակն է մասնակիցներին հնարավորություն ընձեռել հայկական հանրային կառավարման հաստատությունները բացահայտելու՝ իրենց մարտահրավերներով և ձեռքբերումներով։ Մեր տեսլականն է դրական փոփոխություն և հաջողված փորձառություններ բերել Հայաստանի հանրային կառավարման կառույցներ՝ գործնականում դրանց աշխատանքում լիովին ներգրավվելով։ Այս փոփոխությունները վերաբերում են նաև աշխատանքային մշակույթին, ուստի մեր մասնակիցներն իրենց սահմանափակ ժամանակը պետք է հատկացնեն նաև մշակութային փոխանակմանը։ Մենք համոզված ենք, որ և՛ ծրագրի մասնակիցը, և՛ նրա գործընկերները միայն շահում են ամենօրյա հաղորդակցումից, գիտելիքի, մշակույթի և փորձառությունների փոխանակումից, ուստի ծրագիրը հեռավար աշխատանք չի նախատեսում։
• Արդյոք կարո՞ղ եմ Երևանում ապրելով մասնակցել իԳործ֊ը մարզերում ծրագրին։
  Քանի որ հեռավար աշխատանքը ծրագրում չի թույլատրվում, և մասնակիցները պետք է աշխատանքի հաճախեն ամեն օր, ուստի, կազմակերպչական նկատառումներով, նախընտրելի է, որպեսզի նրանք տեղափոխվեն Գյումրի։ Սա նաև այդ քաղաքում ապրելու և այն տարբեր տեսանկյուններից ճանաչելու լիակատար փորձառության հնարավորություն կընձեռի։
• Ծրագիրը կեցության վայրով ապահովո՞ւմ է։
  Ծրագիրը մասնակիցներին տրամադրում է նպաստ, որը նախատեսված է կեցության և այլ անհրաժեշտ ծախսեր հոգալու համար, սակայն պատշաճ կեցության վայր գտնելը ծրագրի մասնակցի պատասխանատվությունն է։
• Արդյոք 420.000 ՀՀ դրամ ամսական նպաստը բավարա՞ր է Գյումրիում ապրելու համար։
  իԳործ-ի մասնակիցների պաշտոնական նպաստն ամսական 336.000 ՀՀ դրամ է։ Հ․ Հովնանյան հիմնադրամն առաջարկում է հավելյալ 84.000 ՀՀ դրամ իԳործ֊ը մարզերում ծրագրի ասնակիցների համար։ Մենք գիտակցում ենք, որ այս գումարը կարող է փոքր թվալ, սակայն կարևոր է նկատի ունենալ, որ Հայաստանում միջին աշխատավարձը 200.000 ՀՀ դրամ է։ Ավելին՝ ծրագրի մասնակիցներին առաջարկվող ամսական նպաստն ավելին է, քան հանրային կառավարման ոլորտի աշխատողներից շատերը վաստակում են։ Նպաստը նախատեսված է մասնակիցների կեցության վայրի և մի շարք այլ հիմնարար կարիքների համար։ Հաշվի առնելով, որ ապրուստի ծախսը մարզերում Երևանից ցածր է, տրամադրվող նպաստը հավելավճարի հետ մեկտեղ բավարար կլինի ծրագրի ընթացքում հիմնարար կարիքները հոգալու համար։
• Ծրագրի 12 ամիսների ընթացքում հնարավո՞ր է ազատ օրեր ստանալ Հայաստանից դուրս ճամփորդելու համար։
  Ինչպես նախատեսված է ՀՀ Աշխատանքային օրենսգրքով, իԳործ-ի մասնակիցները ծրագրի մեկ տարվա ընթացքում ստանում են 20 արձակուրդային օր՝ իրենց հայեցողությամբ տնօրինելու համար։ Ծրագրի մասնակիցներից ակնկալվում է, որ արձակուրդից զատ մնացած ժամանակահատվածն անցկացնեն Հայաստանում։
• Արդյոք կարո՞ղ եմ իԳործ-ին մասնկացությունս համատեղել ներկայիս աշխատանքիս (որը կարող եմ առցանց կատարել) հետ։
  իԳործ-ը մարզերում ծրագիրը ամբողջ դրույքով (երկուշաբթիից ուրբաթ՝ ժամը 9։00-ից 17-00-ը) զբաղվածություն է պահանջում։ Այն նաև Հայաստանն իր բոլոր ասպեկտներով, ներառյալ սոցիալական և մշակությաին կյանքը, ճանաչելու հնարավորություն է, ուստի ծրագրի հետ այլ աշխատանք համատեղելը չի խրախուսվում։ Այնուամենայնիվ, եթե հավելյալ զբաղվածությունը չի խոչընդոտում ծրագրում ձեր լիակատար ներգրավվածությունը՝ աշխատանքային ժամերին, շաբաթական 40 ժամ, ապա կարող եք համատեղել։
• Կարո՞ղ եմ ծրագրին դիմել, եթե Հայաստանի քաղաքացիություն չունեմ։
  Ծրագրին մասնակցելու համար դուք պետք է ի վիճակի լինեք ազգության հիմքով 1 տարվա կացության իրավունք ձեռք բերել Հայաստանում։
• Ինչո՞ւ է հայերենի իմացությունն անհրաժեշտ ծրագրին մասնակցելու համար։
  Ի տարբերություն իԳործ ծրագրի, որտեղ հայերենի իմացությունը ցանկալի է, բայց ոչ պարտադիր, մարզերի մասնակիցների համար հայերենին տիրապետելը պարտադիր է։ Սա պայմանավորված է նրանով, որ Հայաստանի մարզերում ավելի քչերը գիտեն անգլերեն։ Ուստի աշխատակիցների հետ հաղորդակցվելու և արդյունավետորեն աշխատելու համար ծրագրի մասնակիցները պետք է իմանան հայերեն՝ ներառյալ վարժ կարդալու և գրելու հմտություններին տիրապետելը։